《喜歡你讓我下沉》
總係覺得香港特別多旅遊達人。平時懶懶閒，連每日食咩去邊都費事諗，一講到旅行就突然秘書長上身，幾時幾日去邊有曬計劃，分分鐘可以做3個鐘presentation。緊係啦，星期五放工飛星期日凌晨機反，唔做足功課點夠抵玩。
不如果你問我23年黎最勤力既時候係幾時，我都係絕對會答你係旅行既時候。(讀書考試？諗多左)雖然唔係咩旅遊達人，亦最憎plan行程check資料，但無可否認，每次backpack都一定係我最肯持續去勤力既日子。
自動自覺6點甚至更早仆起身去趕車，天寒地凍/熱屎辣辣硬住頭皮行>5個鐘上山為左望清楚地球既另一邊，揹住8kg backpack 奮力無間踏盡面前路，連食茄汁意粉食足n日，搭長途巴士無wifi無野玩只係有無盡既荒蕪同羊都從來唔會怨一句。
講緊既唔係一、兩日既堅持，而係以月什至年黎做單位。可以令我心甘情願一直下沉，或者就只有旅行。
有時我諗，如果我可以一直成為旅行中既自己，我應該已經發過李生。不過望住一片湖江山色，好似都係做癈青岩我多d。
(Lake Tekapo,New Zealand)
Search